تعليق جرئ من هشام عاشور على لقب «جوز نيللي كريم».. فيديو

أكد الفنان ولاعب الاسكواش العالمي هشام عاشور، على أنه معروف في العالم الخاص به، ولكن بعد زواجه من الفنانة نيللي كريم ازدادت شهرته نظرا لجماهيريتها الكبيرة في مصر والوطن العربي.

وعلق هشام عاشور، في لقاء خاص مع الإعلامية نهال طايل، ببرنامج تفاصيل المذاع على قناة صدى البلد 2، على لقب «جوز نيللي كريم»، قائلاً: «أنا معروف في العالم بتاعي لكن مرة واحدة طلعت لعالم كبير جدًا، لأن العالم بتاعها أكبر مني بكتير جدًا، والناس عارفة أني أحرف واحد في الاسكواش وأنا اخترعت ضربة جديدة في الاسكواش من كتر ما أنا بحب اللعبة، وكنت بلعب ماتشات استعراضية أكتر من الماتشات العادية في كل مكان في العالم وخاصًة الدوري الألماني».

وأضاف هشام عاشور، قائلاً: «معرفتش أطلع منها ازي فجأة بقيت زوج نيللي كريم، والخبرات دي أنا اتعلمت منها، أنا بضيف للي معايا واللي معايا بيضف لي، وفي الوقت ده أنا زودتها في حاجات وهي زودتني حاجات، ومقدرش أزعل وأقول الوقت ده كان وحش، لأنه كان وقت حلو».

وتحدث هشام عاشور، عن مشاركته في مسلسل «روز وليلى» وتحضيره للشخصية التي جسّدها ضمن أحداث العمل الدرامي، قائلاً: «أنا من 2007 قررت أسجل كل حاجة بتحصل، هنزل في الشارع وأنا بلعب بطولة في باكستان اتكلم مع الحارس اللي قدام الفندق واسجل طريقة الكلام، وبقى عندي مخزون داخلي للشخصيات».