الان – الخطيب هيشتري التروماي.. مفاجأة في صفقة الأهلي الجديدة – البوكس نيوز

الكوفر: احذر يا خطيب من صفقة موديست الجديد (خلى صورة اللاعب مجهول.. وهات معاه موديست والخطيب)

العنوان: الخطيب هيشتري التروماي.. مفاجأة في صفقة الأهلي الجديدة.. وليه هيبقي زي موديست؟.. ومفاجأة البديل سوبر وببلاش!

الخطيب متعلمش الدرس من صفقة المهاجم الفرنسي أنتوني موديست.. وشكله كدا هيكررها تاني.. ويبقي الأهلي اشتري التروماي زي اللي حصل مع إسماعيل يس في فيلم “العتبة الخضراء”.. إزي ده هيحصل؟.. ومين هي صفقة الأهلي الجديدة؟.. وهل هيبقي موديست جديد ولا هيقدر يثبت نفسه؟.. ومين البديل السوبر اللي ممكن ييجي مكانه؟.. ده اللي هنعرفه مع بعض في “قشة لفة بلس”.

الأهلي بيجهز للصفقات اللي عايزها في الصيف من بدري.. وكلاء اللعيبة بيعرضوا على لجنة التخطيط سيفهات لعيبة.. والمسئولين في النادي نفسهم بيدروا.. وعايزين يجيبوا نجوم يقدروا يساعدوا الفريق مش مجرد أسامي رنانة وخلاص زي اللي حصل مع موديست.

لو فاكرين موديست أول ما الأهلى أعلن التعاقد معاه كل الجماهير قالت خلاص.. وصل حلال العقد واللي هيقدو هجوم الأهلي ويسجل أهداف وميرحمش الحراس.. لكن كل ده مع الوقت طلع أي كلام وموديست مقدمش الأداء المنتظر منه.

صفقة الأهلي الجديدة اللي بنتكلم عليها هو لاعب دولي وشارك مع منتخب مصر لكنه دلوقتي برة المعسكرات رغم أنه يعتبر في أفضل فترة عمره الكروي.

مصادر قالت إن المسئولين في الأهلي بيدوروا على بديل للمهاجم الفرنسي أنتوني موديست.. اللي هيمشي آخر الموسم عشان مقدمش المردود المنتظر منه.. والاختيار وقع على أحمد حسن كوكا لاعب نادي بينديك سبور التركي.

المسئولين في الأهلي فتحوا خط مفاوضات مع كوكا عشان يشوفوا موقفه من العودة للأهلي.. المفاوضات موصلتش لحد الصيغة الرسمية.. وكانت شفيهة.

المصادر قالت إن المفاوضات هتتحول لرسمية قريب حسب موقف كوكا عايز يرجع مصر ولا لأ؟.. خصوصا أن مارسيل كولر مقتنع بمستوى النجم المصري وشايفه أنه هيكون إضافة قوية لخط هجوم الأهلي في الموسم الجديد عشان الخبرات الكبيرة اللي عنده بعد ما لعب في دوريات أوروبية كتيرة في السنيين اللي فاتت.

أحمد حسن “كوكا” كان بيلعب في صفوف الناشئين بالأهلي قبل ما يروح يحترف في أوروبا.. واسمه اقترن بالعودة للأهلي أكتر من مرة.. وآخرها في الشتاء اللي فات.

كوكا يعتبر من أكتر المحترفين المصريين مشاركة في الدوريات الأوروبية.. ولعب في البرتغال واليونان وتركيا وسجل 115 هدف في مسيرته وصنع 30 تمريرة في 359 ماتش.

ودلوقتي بيلعب في الدوري التركي مع نادي بينديك سبور اللي موجود في المركز الـ19 يعني قبل الأخير قى جدول ترتيب الدورى التركى.

وأفضل فترات ليه كانت مع نادي أولمبياكوس اليوناني اللي سجل معاه 38 هدف في 97 مباراة، وبعده نادي ريو آفي البرتغالي اللي سجل معاه 32 هدف في 98 لقاء.

كوكا شارك مع منتخب مصر وأول ظهور ليه كان سنة 2013 ولعب 31 مباراة سجل فيهم 6 أهداف.. وهو عنده 31 سنة يعني يعتبر كبير في السن مش صغير.. لكن يقدر يلعب كمان 3 أو 4 سنين.

دلوقتي الأهلي بيفاضل بين أكتر من مهاجم مصريين وأجانب عشان يعوضوا رحيل كهربا موديست اللي هيمشوا آخر السنة.

وعايزين يجيبوا لعيبة تكون قوية في الخط الهجومي عشان يشاركوا في بطولة كأس العالم للأندية اللي هيتلعب في أمريكا بنظامه الجديد سنة 2025 وهيشارك فيه 32 نادي.

ومن أهم المهاجمين الأجانب اللي بيفاوضهم الأهلي هو البوركيني محمد كوناتيه المحترف في الدوري الروسي اللي عقده خلص مع فريقه.. وده يعتبر البديل السوبر وهييجي في صفقة مجانية

لكن لحد دلوقتي المسئولين في الأهلي محسموش مصير نجم منتخب مصر ولا البديل.. ولجنة التخطيط هتناقش كولر لحد ما يستقروا على “C.V” قوي يقدر يكون هو مهاجم الأهلي مش مجرد لعيب سد خانة.