الان – كولر يطيح بـ10 لاعبين من تشكيل الأهلي الأساسي دفعة واحد.. ومفاجأة في رد الخطيب – البوكس نيوز

تقرير مارسيل كولر المدير الفني اللي قدمه للكابتن محمود الخطيب والمسئولين عن الكورة في الأهلي عمل حالة من الجدل والاستغراب في الاجتماع اللي قعد ساعتين.. كولر فاجئ الخطيب برغبته في الاستغناء عن 10 لعيبة من التشكيل الأساسي في الفريق.. لكن المفاجأة في رد فعل بيبو.. أيه هو؟.. ومين اللعيبة اللي عايزهم يمشوا؟.. وأيه موقف كهربا؟.. ده اللي هنعرفه مع بعض في “قشة لفة بلس”.

مارسل كولر اجتمع مع لجنة التخطيط.. وبلغهم أنه عايز اثنين مهاجمين مش مهاجم واحد عشان يساعدوا وسام أبو علي.. وقالهم إنه معندوش مشكلة في رحيل محمود عبدالمنعم “كهربا”.. لو عنده عرض يمشي.. هو مش بيضيف حاجة للفريق ومهتم بالسوشيال أكتر من الملعب.. وبسببها كهربا عامل مشاكل في أوضة اللبس.

مش بس كهربا اللي هيمشي.. ده كولر قدم قائمة فيها اللعبية المطلوب يمشوا في الصيف.. واختار طاهر محمد طاهر اللي الأهلي كان قريب من التجديد ليه.. لكن المدير الفني أعطى الضوء الأخضر لرحيل طاهر.. ومعاه الجناح التونسي محمد الضاوي كريستو والمدافع محمود متولي اللي بيغيب عن الفريق بسبب الإصابات الكتيرة.

ورغم أن مفيش بديل للتونسي علي معلول غير كريم الدبيس لكن كولر قال إنه مش مقتنع بيه ومش عايزه في الفريق.. وده عكس كلامه في أول الموسم لما أشاد بيه لكن غير رأيه.. وكمان طلب يمشي معاه خالد عبدالفتاح اللي بقي خارج الحسابات تماما.

ومن اللاعبين الراحلين عن الأهلي هو محمد شكري.. اللي يعتبر مفاجأة خصوصا بعد الأهلي ما أعلن تعاقده مع اللاعب وتواصل مع سراميكا كيلوباترا عشان يدفع ليهم المقابل.. لكن إدارة الأهلي تراجعت بعد إصابة اللاعب برباط صليبي.

ورغم أن العلاقة سيئة في المرحلة الحالية بين سيراميكا والأهلي لكن اللاعب هيرجع فريقه.. والكابتن الخطيب اتكلم على التجديد لـ”علي معلول”.. وقال ده نوع من التقدير لكن هيرفعوا اسمه من الدور الأول في الموسم الجديد.. عشان كولر مصمم يجيب باك شمال قوي بديل لعلي معلول.

المفاجأة الكبيرة أن كولر طلب استبدال كل الأجانب في النادي الأهلي.. ما عدا وسام أبو علي اللي ميعتبرش أجنبي عشان جنسيته وبيعامل كأنه مصري.

يعني الخمسة الأجانب التونسي علي معلول والجنوب أفريقي بيرسي تاو والمالي آليو ديانج.. والمغربي رضا سليم اللي كولر مش مقتنع بيه وشايفه مش بيأدي اللي عليه.. لكن لجنة التخطيط اتكلمت مع كولر وقالت ليه رضا ماشي كويس.. ولو لقينا حد جودة أعلى منه هنجيبه ونخرجه برة الأهلي.

كولر شايف أن مستوى اللعيبة الأجانب مش هيكون مناسب لبطولة كاس إنتركونتيننتال.. وبعديها كاس العالم للأندية 2026 اللي هيشارك فيه الأهلي ومعاه 32 فريق في أمريكا.

وبالنسبة للصفقات الجديدة فـ “كولر” اتكلم مع لجنة التعاقدات بالنادي وقالهم إنه حاطط أكتر من لاعب تحت المنظار زي مدافع الدحيل القطري يوسف أيمن حافظ اللي ارتبط اسمه بالانتقال للأهلي وممكن يكون على سبيل الإعارة عشان يلعب مكان محمد عبدالمنعم اللي هيمشي آخر الموسم.
النادي الأهلي، حسم بشكل رسمي صفقة النجم الجزائري زين الدين بلعيد، مقابل 750 ألف يورو، وحسب صحيفة «الخبر» الجزائرية اللي أكدت أن الاتفاق تم بين اللاعب وإدارة بطل إفريقيا على توقيع عقد ضمه للفريق لمدة 4 مواسم مع راتب سنوي يعدي الـ نصف مليون يورو في موسم الأول وهترتفع بعد كده.