الان – مفاجأة 3 أسباب وراء تراجع الزمالك ولعب مباراة الأهلي – البوكس نيوز
البوكس نيوز – الأخيرة – نتحدث اليوم حول مفاجأة 3 أسباب وراء تراجع الزمالك ولعب مباراة الأهلي والذي يثير الكثير من الاهتمام والجدل عبر مواقع التواصل الاجتماعي وكما سنتناول بالتفصيل حول مفاجأة 3 أسباب وراء تراجع الزمالك ولعب مباراة الأهلي، وتعد هذا المقالة جزءًا من سلسلة المقالات التي ينشرها البوكس نيوز بشكل مستمر، فاتبعونا باستمرار.
الزمالك هيلعب القمة ولا مش هيلعب.. ده اللي كان شغال كل الناس في الفترة اللي فاتت.. لكن الكابتن حسين لبيب مش بيخطط لماتش الأهلي ولا فارق معاه من الأساس.. الداهية الزملكاوي خد اللي هو عايزه من الدوشة اللي عملها.. أيه هي مكاسب الزمالك من جدل ماتش الأهلي؟.. وأيه الأسباب اللي خلت الزمالك يفكر يلعب المباراة؟.. وليه الأهلي لازم يخاف ويدور على مصلحته بدري؟.. ده اللي هنعرفه مع بعض في “عرب 22”.
لو مجلس الزمالك رجع في كلامه ولعب مباراة القمة قدام الأهلي طبعا جماهير الأهلي هتهاجمه وتقول عليه حنفي وفرق أيه عن مرتضى منصور؟.. وممكن برضو ده يحصل مع جماهير الزمالك اللي جزء منها هيزعل والتاني هبرر.. ودي عادة الجماهير.. لكن حسين لبيب ومجلسه خدوا اللي هما عايزه من دوشة الدوري.
الزمالك طلع بيان ناري ضد رابطة الأندية المحترفة واتحاد الكرة ولجنة الحكام وضرب كرسي في الكلوب وقال مش هلعب ماتشات بعد مباراة فاركو.. لكن إدارة الزمالك عارفة أن مباراة الأهلي هي اللي هياخدوا منها اللي هما عايزينه حتى لو خسر الفريق الماتش.
قبل الماتش بيوم واحد اجتمع وزير الرياضة أشرف صبحي مع حسين لبيب رئيس الزمالك وأحمد دياب رئيس رابطة الأندية عشان يشوفوا حل للمشكلة اللي ورطهم فيها عامر حسين رئيس المسابقات وثروت سويلم اللي وقفوا ضد الزمالك.
وبعدها الجهاز الفني للفارس الأبيض بلغ اللعيبة على جروب واتساب وقالهم إننا هننتظيم في معسكر مغلق في فندق قريب من ستاد القاهرة عشان لو لعبنا الماتش.. وبكدا الكابتن حسين لبيب شاف أن فيه مؤشرات على حل الأزمة ويهاخد اللي هو عايزه من المشكلة اللي عملها فجهز فريقه.
الكابتن حسين لبيب مش فارق معاه الـ3 نقط عشان الزمالك مش بينافس فعلا على البطولة والمنافسة محصورة بين بيراميدز والأهلي هما أعلى الفرق نقاط.. وإدارة الزمالك خدت اللي هي عايزاه من الموسم الحالي وجابوا بطولة الكونفدرالية في ظروف صعبة جدا.
وهيبدأوا من السنة الجاية يرتبوا عشان يعملوا فريق قوي يقدر ينافس على البطولات.. وبكدا الكابتن حسين عايز يلعب المباراة بحيث الأهلي مياخدش الـ3 نقط بتوع المباراة بسهولة ويرهق لعيبة الأهلي اللي هيكونوا محتاجين أي يوم راحة وده مش هيحصل لو لعب الزمالك.
تاني حاجة هياخدها الكابتن حسين لبيب أنه هيضمن السنة الجاية ميحصلش تأجيلات كتيرة للأهلي.. ولا يترتب ليه الماتشات ويلاعب الفرق الضعيفة في الأول ويجمع نقط وده نفس الكلام اللي قاله الإعلامي مدحت شلبي: دوري الابطال خلص والكونفدرالية خلصت ومفيش بطولة عربية، لية بيتم التلاعب في الترتيب، الدنيا بتتظبط علي الكيف ليه.. بالبلدي كدا ليه ماتشات سهلة للأهلي وبعدها ماتشات قوية، هي مش عزبة وفي حاجه اسمها لوائح.. مش كدا يا جماعة احنا لو في مكان تاني كان هيبقي في استقالات و ناس هتمشي.
الكابتن طارق السيد قال إن الزمالك هيضمن إعادة هيكلة للدوري المصري وناس كتير هتمشي.. ومش هتبقي موجوده في الصورة.. وحسين لبيب رجل قوي وهيعرف ياخد حق الزمالك والكرة المصرية.. والأهلي مش خصم في الموضوع.. المنظومه كلها هتتغير بعد بطولة الاولمبياد.
وده اللي أكدت مصادر في اتحاد الكرة اللي قالت إن عامر حسين هيمشي وهيكون آخر موسم ليه ده.. وبكدا الزمالك طير أهم واحد من وجهة نظره بيظبط المباريات للأهلي.
الأهلي لازم يخاف من اللي بيعمله حسين لبيب دلوقتي عشان الزمالك مياخدش أكتر من حقه خصوصا أن أغلب طلبات الزمالك هتتنفذ.
لذلك يقدم لكم من خلال موقع البوكس نيوز تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة .
ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
