البوكس نيوز – «أيه المانع أنها تسعد زوجها».. دره تنتقد ترند «الست مش ملزمه»

  علقت الفنانة التونسية درة على تصريحات الدكتورة هبة قطب، بشأن أن الست غير ملزمة بخدمة زوجها ورعاية منزلها، قائلة: “مواضيع شائكة، كل واحد حر في حياته وحر في بيته، مينفعش نصدر قواعد وقوانين ونفرضها على كل الناس”.

وأضافت “درة” خلال لقائها ببرنامج حبر سري، المذاع عبر فضائية “القاهرة والناس”، الذي تقدمه الإعلامية أسما إبراهيم: “إيه المانع إن الست تسعد زوجها وتعمل اللي يريحه وتهتم بيه، لكن في نفس الوقت هي محتفظة بكيانها وشخصيتها، ومتكونش دي كل شغلانتها الوحيدة، لكن ده مملكتها ومسئوليتها كمان، ولو عندها أولاد فطبيعي تراعي أولادها وتربيهم، دي حجات بديهية”

وتابعت: “الست ملزمة، إزاي مش ملزمة.. ممكن لو تعبانة متعملش، مش اللي هو مجبرة تعمل تحت أي ظروف، الموضوع مش قهر وإجبار”.

وأردفت: “لازم الست تعمل ده وهي عايزاه، مش وهي مضطرة لأنه مش استعباد”.