ياسمين عز تدعو إلى إلغاء الخطوبة.. واستبدال الذهب بـ كريستال عصفور

من جديد عادت الإعلامية ياسمين عز لتثير الجدل بين متابعيها، حيث عبرت ياسمين عز عن رفضها لفترة الخطوبة قبل الزواج، قائلة، إن احتفالية الخطوبة تكلف العروسين الكثير دون داعي، موجهة نصيحة للفتيات بأن يشترين كريستال عصفور بديلا للذهب في الشبكة.

وأضافت ياسمين عز، خلال تقديمها برنامج «كلام الناس»، المذاع عبر شاشة قناة MBC مصر أن: الخطوبة المفروض تتلغي ونخليه كتب كتاب على طول، الخطوبة ولا ليها أي لازمة، ليه الفشخرة؟ ليه نتبهرج بالذهب؟ ما تجيبوا خاتم كريستال عصفور ومحدش هيعرف.

وواصلت ياسمين عز: اللي هيقولي ما أنت لابسة ألماظ أنا جايباه لنفسي، نجيب حاجة معقولة واللي مقتدر يجيب، أرفقي بخطيبك، ولكن الأغلبية حالة متوسطة والذهب غالي، والخطوبة مش جواز فيه فرق.

كما تسائلت ياسمين عز: من امتى بنلبس فساتين بيضاء في الأفراح؟، محدش بيلبس فستان أبيض غير العروسة إلا إذا كنتي بتكرهيها وعايزة تنكدي عليها، واللي بيلبسوا أبيض أخوات العريس ودايمًا لازقين فيه وبيقهروا العروسة، ركزي في نفسك ومتحطيش مرات أخوكي في دماغك من أولها دي بديهيات.

وأضافت: واحدة بتقول لمرات أخوها متهزريش معاه قدامي علشان بزعل، ما تزعلي لو فاضية روحي اتجوزي، هتعيشي كتلة الفراغ في حياتك وهتعيشي الأحزان على الأطلال، أو رتبي هدومك في الدولاب.